Kosova dhe Shqipëria lidhin marrëveshje në fushën e shëndetit publik
Instituti Kombëtar i Shëndetësisë Publike të Kosovës dhe ai i Shqipërisë nënshkruan dje në Tiranë marrëveshjen e bashkëpunimit në fushën e shëndetësisë publike dhe të shkencave mjekësore të cilat janë me interes të përbashkët.
Marrveshja u firmos nga Drejtori i Institutit Kombëtar të Shëndetësisë Publike të Kosovës, Naser Ramadani dhe Drejtori i Institutit të Shëndetit Publik të Shqipërisë, prof. dr. Arjan Bregu.
Sipas marrëveshjes të dyja institutet respektive do të bashkëpunojnë në fushat me prioritet si: hartimi dhe miratimi i një liste të njëjtë indikatorësh shëndetësorë që do të mundësojnë monitorimin dhe vlerësimin e gjendjes shëndetësore të popullatës si dhe performancës së sistemit shëndetësor në Shqipëri dhe në Kosovë; harmonizimin e strategjive dhe përcjellja e ecurisë së sëmundjeve ngjitëse dhe jo-ngjitëse.
