Ereksioni, Impotenca, Seksi

Çfarë janë problemet e ereksionit?

Problemet e ereksionit, që shpesh në popull njihen si impotencë, mund të jenë një temë e vështirë për t’u diskutuar. Por nëse ju keni probleme për të arritur ose për ta mbajtur ereksionin – ngritjen e penisit – këto janë arsye të mjaftueshme për të biseduar me mjekun. Problemet me ereksionin jo vetëm që prekin jetën tuaj seksuale, por ato mund të jenë edhe shenjë e ndonjë problemi tjetër shëndetësor.

Problemet me ereksionin mund të jenë shenjë e ndonjë ene të bllokuar nervore ose ndonjë nervi të dëmtuar nga diabeti. Nëse ju nuk e vizitoni mjekun, këto probleme do të mbeten të patrajtuara dhe mund ta dëmtojnë organizmin tuaj.

Problemet e ereksionit më herët janë quajtur impotencë. Tash termi çrregullime erektile është më i shpeshtë.

Mjeku juaj mund t’ju ofrojë disa trajtime për impotencën. Për shumë meshkujt, përgjigja është shumë e thjeshtë, ‘përdorni tableta’. Disa meshkuj të tjerë duhet të provojnë dy ose tre opsione para se ta gjejnë se cili trajtim funksionon për ta. Mos u dorëzoni nëse trajtimi i parë nuk funksionon. Gjetja e trajtimit të duhur mund të kërkojë më shumë kohë.

Çfarë e shkakton ereksionin?

Hormonet, enët e gjakut, nervat dhe muskujt të gjithë duhet të funksionojnë së bashku për të shkaktuar ereksionin. Truri juaj fillon një ereksion duke dërguar sinjale nervore në penis kur ai ndjen stimulim seksual. Prekja, për shembull, mund ta shkaktojë këtë zgjim. Shkaktarët e tjerë mund të jenë gjërat që ju i shihni ose dëgjoni, ose mendimet ose ëndrrat seksuale.

Sinjalet nervore bëjnë që muskujt në penis të relaksohen dhe lejojnë gjakun të futet në indin sfungjeror në penis. Gjaku mblidhet në këtë ind ngjashëm sikur uji që mbush një sfungjer. Penisi bëhet më i madh dhe më i ngurtë, si një balonë e fryrë. Venat më pas mbyllen për të penguar gjakun të largohet nga penisi.

Pas orgazmës ose pasi zgjimi seksual kalon, venat hapen sërish dhe gjaku qarkullon prapa në trup.

Çfarë i shkakton çrregullimet e ereksionit?

Shumë sëmundje të ndryshme mund të çojnë deri te mosfunksionimi erektil. Shumë prej shkaktarëve janë probleme shëndetësore të cilat prekin zemrën dhe enët e gjakut dhe kanë nevojë të trajtohen për të ndihmuar parandalimin e problemeve më serioze. Në mesin e këtyre problemeve janë:

• Tensioni i lartë i gjakut
• Kolesteroli i lartë
• Diabeti.

Shprehitë jo të shëndetshme të mënyrës së të jetuarit mund të kontribuojnë në problemet e ereksionit. Gjithçka që është e keqe për zemrën tuaj po ashtu është e keqe për shëndetin tuaj seksual. Këto bëjnë pjesë:

• Alkooli dhe abuzimi me substanca
• Pirja e duhanit
• Ngrënia e tepruar
• Mungesa e aktivitetit fizik.

Edhe dëmtimi i nervave nga shkaktarë të ndryshëm mund të ndërveprojë me sinjalet të cilat nxisin ereksionin. Ato janë:

• Lëndimet në palcën kurrizore
• Trajtimet për kancerin e prostatës, përfshirë rrezatimi dhe largimi i prostatës
• Skleroza multiple dhe sëmundje të tjera nervore.

Disa barna të përshkruara, si për shembull disa antidepresivë ose barna të tensionit të lartë, mund të shkaktojnë mosfunksionim erektil. Mjeku juaj mund të jenë në gjendje ta ndryshojë trajtimin me barna. Kurrë mos i ndërprisni barnat e përshkruara pa biseduar me mjekun tuaj.

Një numër i vogël i rasteve e çrregullime erektile rezultojnë nga niveli i reduktuar i hormonit mashkullor, testosteron.

Mjekët kanë besuar se shumica e rasteve të problemeve erektile vijnë nga probleme tjera mentale ose emocionale. Tash është vërtetuar se shumica e këtyre probleme kanë një shkaktar fizik. Por depresioni dhe shqetësimi ose ankthi po ashtu mund të çojnë në probleme të tilla impotence. Dhe anasjelltas, problemet erektile nga shkaktarë fizik mund të çojnë në depresion ose mërzi, duke e bërë edhe më keq mosfunksionim erektil.

Ju kurrë nuk duhet të dyshoni se çrregullimi erektil është pjesë e procesit normal të plakjes. Përveç tyre ka edhe shkaktarë të tjerë të mosfunksionimit erektil, të cilat mund t’ua shpjegojë mjeku.